I. Útvalin sem konunglegt prestafélag

I. Pet. 2:4-10.

4Komið til hans, hins lifanda steins, sem menn höfnuðu en er í augum Guðs útvalinn og dýrmætur. 5Látið sjálf uppbyggjast sem lifandi steinar í andlegt hús til heilags prestdóms, til að bera fram andlegar fórnir fyrir Jesú Krist, Guði velþóknanlegar. 6Því að svo stendur í Ritningunni: Sjá, ég set hornstein í Síon, valinn og dýrmætan.  Sá sem trúir á hann mun alls eigi verða til skammar.  7Yður sem trúið er hann dýrmætur en hinum vantrúuðu er steinninn, sem smiðirnir höfnuðu, orðinn að hyrningarsteini 8og: ásteytingarsteini og hrösunarhellu.  Þeir steyta sig á honum af því að þeir óhlýðnast boðskapnum. Það var þeim ætlað.  9En þið eruð "útvalin kynslóð, konunglegur prestdómur, heilög þjóð, eignarlýður, til þess að þið skuluð víðfrægja dáðir hans," sem kallaði ykkur frá myrkrinu til síns undursamlega ljóss. 10Þið sem áður voruð ekki lýður eruð nú orðin "Guðs lýður". Þið sem "ekki nutuð miskunnar" hafið nú "miskunn hlotið".

Frelsara okkar Jesú Kristi var hafnað af sínu eigin fólki og hann var krossfestur.  Hvers eigum við lærisveinar hans að vænta af þessum heimi?  Því skulum við ekki undrast ofsóknir og reynslur sem koma yfir okkur.  Faðirinn gaf sinn einka son til að deyja sem syndafórn fyrir alla menn og hann frelsar þá sem ákalla nafn hans.  En boðskapurinn stoppar ekki þar, því að sonur Guðs reis upp á þriðja degi sem frumgróði upprisunnar og ruddi brautina fyrir okkur sem á hann trúa.  Það sem bíður okkar er upprisa í himneskum líkama og Guð faðirinn hefur útvalið setta tíma fyrir þann dýrðar atburð.